• Promoción
  • Inscrición
  • Selección
  • Concertos
  • Conta atrás
  • Final
Querostar

@querostar

Cargando

Blog

Entrada 26 de 26

Crónica de Luis P. Ferreiro sobre a final do Querostar

Publicado o 11/10/2011 02:36:24

A segunda edición do concurso Querostar chegou ao seu fin co triunfo do funk dos vigueses Moon Cresta. Pero para lograr o primeiro premio do certame, os Crestas tiveron que traballalo ben. Para empezar, na final do Querostar tiveron que batirse con tres contrincantes en lugar dos dous que marcaban as bases do concuso - o pobo soberano cos seus votos, e as absurdas decisións dos dous individuos que compoñían o xurado da 'fase regular' provocaron un empate que fixo que a final fose unha 'final four'-, e, para continuar, topáronse cuns rivais tan talentosos como hipermotivados.

Para esta cita, a organización tivo a ben de reunir un xurado de expertos composto por, ademáis dos xa coñecidos Santi Romay e un servidor, o productor e exmembro de Siniestro Total, Segundo Grandío, a gaiteira Susana Sevane, e a locutora de Radio Coruña, Teba Chacón. As tremendas gañas coas que acudiron os candidatos quedaron sobradamente demostradas cando os primeiros participantes, os vigueses Neverside, non lle deixaron ao actor Marcos Pereiro rematar a presentación da gala, e fixérono calar cun salvaxe acople de distorsión que marcou a tónica do seu reciatal. Tan precisos como no seu concerto anterior na sala The Star, pero o doble de contundentes, o grupo mostrou esa fame de escenario que só se ten aos vintepoucos anos.

Cos seus referentes ben claros - a velocidade de Slayer, os ritmos selváticos de Sepultura, e unha veta rockanroleira 70`s na que, segundo este xornalista, deberían profundizar máis - e unha seguridade aplastante en sí mesmos, camuflada cunha total falta de pretensións, os Neverside deixaron coa boca aberta a público e xurado, sensación que reforzaron cunha telúrica versión do Kick Out The Jams, dos MC5. Como remarcou Segundo Grandío, ao recordar que ao baixista do grupo desconectouselle o inalámbrico seu intrumento ao pegar un chimpo do escenario ao foxo do público nos primeiros temas, "Iso é actitude".

Tomaronlle o relevo aos thrashers vigueses os Moondog Blues Party que, ao igual dos seus predecesores, sairon ao escenario a matar. Sen ningunha concesión, os coruñeses mostraron dende o minuto un o mellor do seu repertorio coa súa sección de ventos, a súa frautista danzarina e a súa 'killing' baixista con eterna cara de poucos amigos. Sonidazo de luxo para unha proposta tan clásica como ben interpretada, con referentes claros, pero -ao igual que Neverside-, levados con pericia a terreo propio. Incluso a fatalidade de quedar sen son na metade do seu concerto acabou tornando nun punto a favor, ao improvisar a banda un instrumental, armados con guitarras acústicas. E así, e interpretando soberanamente a Allman Brothers e Rory Gallager, terminou a participación doutra das grandes bandas do Querostar 2011.

Os campéons do concurso sairon ao escenario en terceiro lugar, e se Moon Cresta soaron fortes no seu primeiro recital no concurso, nesta final soaron o doble de forte. Se hai unhas semanas soaron funkys, o pasado sábado soaron o doble de funkys, e se no seu primeiro pase en Querostar rockearon duro, nesta ocasió rockearon dúas veces máis duro. Cun repertorio case similar en temas propios e versións ao seu anterior recital, os vigueses literalmente arrasaron o escenario da sala the Star. Pecharon a festa os coruñeses Noc, cunha cohesión sónica e escénica moito máis pronunciada que no pase eliminatorio - estreaban vocalista, e se no seu primeiro concerto isto chegou a notarse, na final parecía que levaban tocando xuntos cinco anos -, e cunha actitude festiva que marcou o perfecto final para a segunda edición do Querostar.

Tras unha complicada deliberación por parte do simpático grupo de sabios que formaba o xurado, a clasificación quedou selada cun brinde con licor de herbas; Moon Cresta foron os primeiros clasificados, Neverside quedaron subcampeóns, Moondog Blues Party,  medalla de bronce, e Noc acadaron o cuarto lugar.

©2011 Airapro Producións